सुनसरीका पाँच स्थानीय तहमा कर्फ्यु आदेश जारी
![sunsari-jilla-parsasan](https://www.tatokhabar.com/wp-content/uploads/2024/04/sunsari-jilla-parsasan.jpg)
तातोखबर, सुनसरी / जिल्ला प्रशासन कार्यालय सुनसरीले विभिन्न पाँच कर्फ्यु आदेश जारी गरेको छ। कामु प्रमुख जिल्ला अधिकारी वेदराज फुँयालद्वारा जारी सूचनामा इनरुवा नगरपालिका, हरिनगर, देवागञ्ज, झोक्राहा नरसिंह र कोशी गाउँपालिकामा आज अपराह्न ५ बजेदेखि लागू हुनेगरी कर्फ्यु आदेश जारी भएको जनाइएको छ।
जिल्ला प्रशासन कार्यालयले जारी गरेको सूचनामा शान्ति सुरक्षाको संवेदनशीलतालाई समेत मध्यनजर राखी सम्भावित मानवीय क्षति कम गर्न तथा सम्पत्तिको सुरक्षा गर्न स्थानीय प्रशासन ऐन, २०२८ को दफा ६ क बमोजिम अर्को सूचना नभएसम्मका कर्फ्यु आदेश जारी गरिएको उल्लेख छ।
यहाँका स्थानीय समुदायका दुई पक्षबीच झडप भइ तनावपूर्ण स्थिती सृजना भएपछि शान्ति सुरक्षा कायम गर्ने हेतुले सो सूचना जारी गरिएको बताइएको छ।